YAKARTA, Indonesia – Polis a detene un muhe Indones despues di a haya curpa di un baby den un avion cu a baha na Yakarta, procedente di e capital Qatar, un responsabel local a informa diamars.
Diadomingo anochi, personal di limpiesa a subi abordo di e avion di Qatar Airways, despues cu el a baha na e aeropuerto internacional Soekarno-Hatta, cerca di Yakarta.
E baby, di entre cinco y shete luna, tabata lora den papel di wc den e sushinan di e avion, un vocero di e aeropuerto, Endang Sutrisna, a declara.
Un pasahero (un imigrante Indones) mester a somete su mes na un saminacion medico y despues polis a escolt’e te na un hospital di e capital Indones pa mas prueba.
Autoridadnan no a precisa e vinculo entre e muhe y e baby.
Fuente: NTN24