MADRID, Spaña- Congreso Spaño diahuebs a aproba exhumacion di e restonan di e dictador Fransisco Franco.
Cu 198 voto na fabor, 1 contra y 140 abstencion, Congreso Spaño a a aproba pa urgi gobierno pa saca e restonan di e Franco y pa traslada esaki pafo di e Valle de los Caidos, como tambe e creacion di un Comision di Berdad, y e creacion di banconan di DNA pa facilita e identificacion di curpanan haya den fosanan comun.
E iniciativa ta urgi gobierno pa reanuda e politicanan di recuperacion di e memoria historico y su partidnan presupuestario corespondiente. E ta exigi tambe e realisacion di actuacionnan necesario pa localisa y exhuma di fosanan comun y identificacion di e cadavernan.
Pa esey, e ta bin cu e idea di crea un banco di DNA urgentemente y cu rapidez, door di e edad avanza di hopi di e familiarnan di e personanan desapareci durante e Guerra Civil y e dictadura.
E medida ta busca tambe pa impulsa e retiro di simbolonan di momumentonan cu ta “honra memoria di e vencedornan of ta conmemora e conflicto civil of e dictadura” y ta “evita asina glorificacion di e sublevacion militar”.
E levantamento militar di Franco na 1936 a desencadena den un guerra civil di tres aña, cual a caba ora cu e forsanan di Franco a resulta victorioso riba e combatientenan republicano y di iskiera. E dictadura di Franco a sigui te na su morto, dia 20 di November 1975, cua resulta den e regreso di democracia na e pais cu Rey Juan Carlos I como hefe di Estado.
Hopi di e fosanan comun di e guerra civil y e dictadura cu a sigui, ainda ta wordo exhuma.
Fuente: www.cnnenspanol.com