BOGOTA, Colombia – Congreso di Colombia lo trata pa mayoria abrumador, e acuerdo renegosha di paz entre FARC y gobierno, cu a wordo forma dia 24 di November ultimo na Bogota.
E acuerdo nobo, cu tanto Gobierno como e guerilla a cualifica como definitivo, cual lo bay pasa awo den e etapa di implementacion. E guerilleronan tin 150 dia pa baha arma, segun e acuerdo ta bisa.
Diaranson, e Camara a aproba cu 130 voto na fabor y 0 en contra, di 166 legislador.
Diamars, Senado a aproba cu 75 voto na vabor (di 102 senador) y cero voto en contra.
Den ambos votacion e bancada di e partido opositor Centro Democratico, lidera pa ex presidente Alvaro Uribe, a ausenta di e recinto parlamentario pa rechasa loke a wordo acorda.
Den e debate e siman aki, tabata tin algun di e promotironan di si y di e no den e referendum di dia 2 di October ultimo, caminda cu pa un margen hopi cera (50,2%), e Colombianonan a rechasa e acuerdo di paz, alcansa cu e guerilla mas antiguo di America Latina, tras di cuater aña di negociacion na Havana (Cuba).
Ademas, a interveni algun vocero di movimientonan social y politico cual lidernan a wordo menasa of asesina den e ultimo simannan.
Den e acuerdo nobo ta inclui algun propuesta di e promotornan di e no, tras di e referendum (manera entrega di bienes di FARC y eliminacion di huesnan internacional), pero a mantene puntonan polemico manera eligibilidad politico di e guerilleronan.
E acuerdo ta inclui temanan di desaroyo rural integral, participacion politica di e guerilleronan, eradicacion di cultivonan ilicito, berdad y reparacion pa victimanan, caminda cu ta aplica un husticia transicional, den e fin efectivo di e conflicto (cu ta inclui e procedimento di e bahamento di arma di parti di FARC, cu lo wordo verifica pa ONU) y e implementacion.
Fuente: CNN en Español