AUSCHWITZ, Polonia- E congresista di Lousiana, Clay Higgins a ricibi criticanan fuerta pa a filma un “selfie” den e teritorio di e compleho conmemorativo construi riba e antiguo campo di concentracion Nazi na Auschwitz-Birkenau, na Polonia.
E accion di congresista Mericano a wordo condena pa e adminstracion di e mesun museo. “Tur cos na mundo tin derecho ariba e reflexionan personal. Sin embargo, den un antiguo camara di gas, unda cu mester reina un silencio tristo. No ta un escenario”, segun e mensahe ariba e cuenta oficial di museo di Auschwitz.
Den video en cuestion, Higgins ta keiro durante cinco minuut door di e instalacionan di e museo y e ta papia di e cosnan horibel cu a tuma luga den camponan di concentracion Nazi. E miembro di Congreso ainda no a contesta e criticanan den su contra.
Fuente: www.rtl.actualidad.com