PYONGYANG, Noord- Korea- E misil intercontinental getest dia 4 di Juli pa Noord- Korea, capas di transporta un bom nuclear pisa, tabata un “regalo” na e “bastardonan Mericano” pa nan Dia di Inpedendencia. Esaki segun declaracionnan di e lider Norcoreano Kim Jong – Un cita pa e agencia KCNA.
Despues di a supervisa e lansamento personalmente, segun e agencia, Kim a bisa “ cu e bastardonan Mericano no ta bay ta mucho contento cu e regalo manda relaciona cu e aniversario di 4 di Juli.
Hariendo duro, e presidente Norcoreano a agrega cu “nos mester mandanan regalo de bes en cuando pa yuda nan ora cu nan ta sinti laaf”.
E misil balistico intercontinental desaroya pa Noord- Korea ta capas di transporta “un cabes nuclear grandi y pisa”, segun KCNA.
E raket, lansa diamars na momento decisivo pa e ambicionnan nuclear di Pyongyang, ta capas di alcansa Alaska, segun expertonan independiente.
Fuente: www.noticiasrcn.com