Nos ta acercando e dia grandi, e dia den cual, nos lo bai presencia un conferencia, cu ta hiba como titulo “Prevecion ta miho cu Detencion” cu sigur lo yuda hopi famia den nos comunidad, cu ta buscando un solucion pa nan situacion den nan ambito familiar. Den e situacion actual cu tin nos preocupa, caminda nos ta puntra entre otro; kico lo ta di nos hubentud pa cu e dia di majan?. Nos tur conoce e cosnan cu ta ataka nos hubentud cual ta parce cu no tin defensa pe. Situacion den famia, cu ta pone nos curpa co’i ril, division entre tata, mama y jui, cual ta destabilisa e cas por completo. Pesei a nos di “Stichting Fortaleza pa famia” a uni forza cu diferente instancianan, personanan den nos comunidad cu a hasi di nan trabou nan passion, cu tur dia ta confronta tur tipo di problemanan social den nos comunidad. Profesionalnan cu lo amplia ariba nan experticio y cu nan ta cla pa contesta tur bo preguntanan na nivel di famia. Nos invitadonan pa e anochi aki lo ta; Henry Barera (docente), Enid de Kort (Asuntonan Social), Eric Barry (Korps Politie Aruba), Fejite Zijlstra (Trahado Social KIA), Hendricus van Gaalen (Psikiatra/ Direktor Fundashon Respaldo), y Marcel Balootje (Fundador Stichting Fortaleza pa famia) cu e anochi aki lo amplia ariba su buki cu a kaba di sali ariba mercado titula “ KIKO TIN TRAS DI TRALIE? ”cu sigur lo bira un bestseller. E buki lo bai ta obtenibel e anochi y tambe. Bo presencia ta altamente aprecia, hunto nos lo haci e anochi aki unu grandi cu di berdad lo sirbi como un guia pa stabilidad den famia. Mayor corda cu mas abo sa, miho bo yiunan lo ta. Prepara bo pregunta for di awe, y trece esaki diarazon anochi 24 di Januari pa 7:30 PM den Cas di Cultura. Pa mas informacion [email protected]