Caracas, VENEZUELA- A trabes di un predicashi lesa diadomingo den varios parokia e Conferencia Episcopal Venezolana (CEV), a indica ariba un desobediencia civil, cu manifestacion y protestanan pacifico.
Niun hende no ta scapa di e situacion cu Venezuela ta pasando aden. Esaki tabata un mensahe bon cla cu e Conferencia Episcopal Venezolano a duna di conoce a traves di un lectura lesa den e parokianan. Aki el a mustra su postura relaciona cu e incidentenan provoca door di Tribunal Supremo di Justicia (TSJ) y Asamblea Nacional (AN) aunke cu e prome a duna e Asamblea bek tur su competencia y tambe inmunidad parlamentario.
Den e comunicado nan ta adverti riba e situacion totalitario cu ta existi na Venezuela. E carta aki ta firma door di presidente CEV, e arzobispo di Cumaná, Diego Padrón, como tambe su directiva: Monseigneur José Luis Azuaje Ayala, Mario Moronta, Víctor Hugo Basabe, y e cardinalnan Jorge Urosa Savino y Baltazar Porras.
E carta ta papia di e moralidad di e situacion y ta sostene cu e ta algo inaceptabel y ta surpasa e ehercicio ekitativo di poder. Esakinan ta medidanan cu a causa reaccion no solamente na Venezuela, pero tambe na nivel mundial.
Fuente: https://dolartoday.com