Recientemente a tuma luga e di cuater edicion di Cruise Symposium Aruba. cual ta un evento pa turismo crucero, cual ta duna oportunidad pa por comparti cu e stakeholdernan, kico ta e desaroyo di industria. Sr. Mario Arends, ta amplia mas ariba esaki.
E comunicacion t’ey atraves di aña, pero por a haci esaki formalmente pa medio di e conferencia aki. A haci’e na cuminsamento di october, ya cu e ta simbolisa e comienso di e high season. En berdad, ta conmemora tambe, e inicio na 1958 e prome itinerario di crucero a cumisna. Tabata tin en berdad barconan tabata trece pasaheronan, pero e itinerario mes a cuminsa na 1958, es decir 60 aña pasa cu el a cuminsa.
E beneficionan di e conferencia di turismo ta pa estrecha e lasonan entre stakeholdernan y industria di turismo en general. Esaki ta inclui comparti informacion di kico ta e retonan. Den industria di turismo, tur hende mester traha hunto. E ta manera un orkesta harmonico, unda ta saca e importancia pa saca lo miho pa e mundo turistico, vooral pa Aruba. Asina por sigui desaroya den un manera positivo .
Den e industria di turismo di crucero , e turista ta birando mas y mas exigente. ATIA ta sigui mantene e contacto cu e liñanan di crucero y nan ta trahando hopi bon ariba dje. Den e conferencia tin un notespeaker, cu ta un persona hopi conoci den e mundo di industria di crucero cu ta traha cu Carnival Cruise Lines y ATIA ta hopi contento cu e ta na Aruba y e lo duna un idea kico tur ta encera traha itinerario pa e barconann crucero. Esey ta hopi importante.
E comunicacion cu e liñanan di crucero ta importante, como tambe e stakeholdernan. E recomendacionnan, e parti di su presentación ta tambe ki recomendacionnan e ta duna y tambe mirando e desaroyo cu tin den e industria, den e region, pero tambe globalmente, segun Sr. Mario Arends, di ATIA.