Diasabra anochi a tuma luga un concierto di Pasco na Club Kibrahacha 60+. Lucia Hoek, coordinado di actividad di dicho club, a splica cu nan a tene nan concierto di Pasco, teni p’e mesun clientenan cu ta train henter aña cuarta, a dicidi cu nan lo a bay tene un presentacion. Ta gradici tur cu a yuda haci e evento posibel. Hoek ta sigur cu ta un aprecio pa mira nos adultonan mayor presenta un bunita show.
Tabatin dos grupo di cuarta, di cual tin hende muhe y hende homber. Tambe tabatin algun cantante entre e begeleidernan. A dicidi adicionalmente, probechando esunnan cu a bin di afo, pone algun obra di man cu a traha henter siman na benta, pa motibo cu e aña aki no tabatin bazaar.
Toch tin basta cos cu a traha y a pone nan disponibel, cu e speransa cu lo bende nan sigur, sino lo laga nan pa otro biaha. Nan tabatin un bar y cushina bon surti, cual semper ta campeon. Hoek a indica cu tur hende a pasa bon pa mira nos adultonan mayor canta y toca y por dal un hapje y un bebida, como tambe cumpra obra di man. Ainda tin nan kerstlunch e aña aki hunto cu e miembronan, cual lo ta dia 21 di december na Hilton Hotel. E ta sold-out caba, segun Hoek, marcando e ultimo actividad pa e aña prome cu nan cera. Pa dia 3 di januari nan lo habri bek.
Pa tur esunnan cu ta interesa pa forma parti por yama riba number di Kibrahacha of pasa personalmente entrante januari, unda cu ta tuma miembro nobo. Mester ta un persona riba 60 aña.