Diasabra 8 y diadomingo 9 di september proximo ta na Aruba e coro Sta. Famia bou direccion di sr. Lindo Casper pa presenta dos concierto cu ta hiba e titulo “Nos ta di Caribe”.
Coro Sta. Famia no ta desconoci pa nan presentacionnan cu musica gospel pero tambe musica cultural manera e concierto aki, cu nan lo presenta e musica di e diferente partinan
di Caribe y canticanan popular conoci pa un y tur. E concierto aki a wordo presenta pa e grupo na diferente islanan den Caribe y tambe Europa caminda a cosecha hopi exito.
Awor ta toca turno pa Aruba ricibi nan diasabra 8 di september pa 8or anochi y diadomingo 9 di september 3or di atardi den Cas di Cultura.
Entrada pa e concierto aki ta 35 florin y carchi obtenibel na Cas di Cultura, Boekhandel Van Dorp y Parokia Inmaculada Concepcion na Sta.Cruz.
Artistanan invita pa e concierto aki ta entre otro, Pastor Jairo Maduro, Jossy Brokke y Eltienne Yarzagaray cu lo bai interpreta algun bunita pieza.
Cu e musica y repertorio asina varia, Coro Sta Famia ta warda un y tur pa bin presencia e unico dos conciertonan aki y cu sigur lo pasa ratonan alegre y inolvidabel.