ROTTERDAM, Hulanda- Un concierto di pop na Maassilo a wordo cancela riba peticion di polis. Segun polis, nan a haya informacion di un posibel acto terorista. Den e concierto aki tabata programa pa ta ariba escenario e grupo di pop, procedente di California, Allah- Las.
Den e sala di concierto por a mira agentenan policial cu bulletproof vest. Asistetenan na e concierto a wordo para. Na e luga di e incidente por a mira unidad anti- terorista di Dienst Speciale Interventies (DSI). E luga a wordo desaloha.
Segun medionan di comunicacion, tabata tin señalnan cu a drenta cerca polis cu algo grandi lo tuma luga durante e concierto. Pero no ta conoci ki tipo di señal.
E capacidad di e sala ta di mas o menos mil persona. E sala lo mester a habri pa publico pa 7 or y mey di anochi. Riba programa tabata tin e banda Altin Gun, un grupo Turco Hulandes.
No ta prome biaha cu’n presentación di Allah- Las ta wordo cancela pa motibonan di precaucion.
Fuente: https://nos.nl/