CARACAS, Venezuela- Carlos Andrés García, concejal di Guasdualito, estado Apure, a muri a consecuencia di un atake di curason cu el a haya na Augustus, mientras cu e tabata deteni na e sede di e Servicio Bolivariano de Inteligencia Nacional (Sebin), ubica na Caracas.
E partido politico, Primero Justicia a sigura cu Garcia a wordo nenga atencion medico y pa ora cu el a wordo traslada pa un centro di salud “ya no tabata tin posibilidad di haci nada mas pa mehora su salud”.
Dos dia prome, e consejal a ricibi e medida cautelar di huisarrest, pero e orden no a wordo ehecuta.
E partido a responsabilisa e gobierno di e morto di e consejal y a sigura cu esaki ta un caso mas di violacionnan di derechonan humano.
Carlos Garcia tabata deteni desde 2016, ora cu Sebin a haci inval na su cas despues di cu varios protesta a keda registra den e ciudad.
Fuente: http://www.el-nacional.com/