Epistaxis of hemoragia nasal por ta debin a hopi rason.
Si ta bon, den mayoria di e casonan, e ta stop despues di algun minuut, sin intervencion di un dokter of enfermero, nos mester tene na cuenta cierto practicanan pa bo no perde demasiado sanger.
Den e articulo aki nos lo bay contabo con pa actua ora cu nos nanishi ta sangra.
Causa y tipo di hemoragia nasal
Den e nanishi nos ta haya hopi ader chikito cu por wordo lastima facilmente y provoca cu nan ta sangra.
Hopi biaha esnan cu ta biba den un clima mas friu, tin molester di e problema aki, ya cu e ingreso di aire friu of seco por irita of seca e membranan cu ta recubri e nanishi y ta forma casca, cu, ora cu nan ta los, nan ta sangra.
Si na esey nos ta suma na e cantidad di virus cu ‘ta bula libremente’ den e atmosfera, e cuadro ta bira pio.
Den mayoria di e casonan, e sanger ta keda para den e tehido cu ta separa ambos banda di e nanishi, unda cu e adernan ta mas debil y cu ta lesiona facilmente.
Den cambio, ora cu ta tuma luga un epistaxis, ta produci den e parti halto paden di e nanishi, ta mas dificil di controla.
E sangramento di nanishi ta mas habitual di loke nos ta kere, algo desagradabel pero mayormente necesario pa e organismo.
Tin dos tipo di epistaxis: interior (ora cu e sanger ta core solamente via un di e buraconan di nanishi) y posterior (ta tuma luga dentro di e nanishi of parti halto den e nanishi. E sanger ta cay den e boca of garganta).
Ta existi diferente motibo cual nos nanishi ta sangra. Esunnan di mas frecuente ta:
Hinca nos dede den nanishi
Supla cu forsa
Niester
Sufri un golpi
Tin un infeccion
Tambe nos por señala otro descencadenante manera e rinitis alergico, e cirugia nasal, inhala aire hopi friu y seco of kimiconan iritante.
Persona cu presion halto of trata cu anticoagulante y antiinflamatorio tin mas fiesgo di padece di sangramento.
Kico mi tin cu haci si mi nanishi mester sangra?
Esaki ta un pregunta hopi habitual y afortunadamente, ta existi diferente tecnica cu por yuda nos, si nos tin un hemoragia nasal.
1.Sinta lo mas comodo posibel
E posicion di e curpa ta hopi importante pa reduci e sangramento.
E tecnica aki di prome auxilio ta consisti simplemente den sinta den e sofa of den un stoel cu e lomba y nek lo mas recht cu bo por.
Sak e cabes levemente p’adilanti y pone un serbete of lenso bao di e nanishi.
Cu e diferencia di loke hende ta kere, drumi ta un mal idea ya cu e sangramento ta bay paden y ta pasa via e garganta.
2. Comprimi e nanishi
Si e hemoragia no ta abundante, bo por press liheramente e punta di e nanishi cu e duim y e wijsvinger.
Blokia por completo e buraconan di nanishi y eherce presion riba e adernan daña.
E fluho di sanger lo stop si ta mantene preta durante 10 minuut aproximadamente.
Si e sigui sangra, ripiti e operacion.
3. Refresca bo mes
Ora cu e temporatura corporal reduci, e sanger poco poco lo stop di sali for di e buraconan di nanishi.
Bo por, por ehempel, pone un ijs na boca of hasta pone na banda di e nanishi.
Algun persona ta opta pa pone un compres friu (muha) riba e punta di e nanishi y press levemente.
Otro idea interesante ta pa come un icecream of bebe un juice bon friu.
4. Laba e zona
Awa friu por ta di gran ayudo ora cu nos nanishi ta sangra.
Sin inclina demasiado e cabes pa e lavado, muha bon e zona pa evita un hemoragia mayor.
E tecnica aki (pero cu awa lauw) tambe ta bon ora cu e epistaxis stop y nos haci e area limpi.
5. Bay na un centro medico
E ultimo paso aki solamente ta necesario si e sangramento no ta stop despues di 20 minuut, si el a wordo causa pa un accidente of tramatismo di craneo of ora nos ta kere cu e nanishi a kibra (por ehempel, tras di un golpi of un lesion).
Tambe ta importante pa bay na EHBO si nos ta sufri di un enfermedad cu por propicia hemoragianan nasal.
Por evita cu e nanishi ta sangra?
Si bo a sufri di hemoragianan nasal den e ultimo lunanan (di forma spontaneo y no debi na un trauma of golpi) of si bo kier evita pa esaki pasa, nos ta recomenda pa bo pone atencion na e siguiente consehonan:
1. Evita hinca dede den bo nanishi
Introduci dede den e boraconan di nanishi por ta algo normal pa hopi hende, sin embargo, e custumber aki ta lesiona poco poco e adernan grafil cu tin eyden.
Esaki tambe por trece como consecuencia desprendimento di coagulo di sanger, introduccion di bacteria cu ta empeora e cuadro of heridanan provoca pa huña.
2. Come mas fibra
Aunke ta parce straño, padece di barica cera por provoca epistaxis debi na e esfuerso realisa ora di purba di bay af.
E mayor presion den e adernan, mas posibilidad di sangramento. Pa evita tur esaki nos ta conseha pa come alimentonan rico den figra y bebe mas cantidad di awa diariamente.
3. Busca un humidificador
E hemoragia por tuma luga door di inhala aire hopi seco. Uza e tipo di aparatonan aki ta cambia notablemente e humedad di e ambiente y evita e sekedad excesivo den e nanishi.
Fuente: www.mejorconsalud.com