Riba e pregunta kico Camara di Comercio a pensa riba e operacionnan di Citgo, Daphne Agius-Cesareo Lejuez, kende a presidente di e instancia, ta prematuro pa opina mirando cu e operacion mes no a start. A haya di compronde cu esaki por dura 4 aña cu nan ta bezig awor aki cu e fase di plan pa por haci e restructuracion. Lo tin movecion comercial. Sa cu algun negoshi a registra na Camara di Comercio pa traha cu Citgo. Ainda ta cauteloso pa loke ta bay tuma luga, pasobra no a rende den 2016 loke ta expectativa y ta spera den 2017 por mira mas movecion den esaki.
E presidente a splica cu e negoshi mes no a cuminsa draai y lo tuma su tempo. Mas tanto ta companianan cu lo tin e fase di plan cu nan ta bezig cun’e. Pero poco poco negoshinan a cuminsa si pa registra pa duna e servcio. Ta wardando e ora ta ki ora realmente lo bay reanuda bek pa Citgo.
Tin algun negoshi cu lo bay registra pa operacion. Tin di nan ta local, tin di nan ta di afo. Segun Agius-Cesareo Lejuez lo bay wak ainda con e reparticion di esaki lo bay ta, pero ta un tiki prematuro pa bisa esaki pasobra e ta un tiki leu.
Poco poco e interes ta keda crece. Tin hopi movecion cu a tuma luga na San Nicolas. E interes tey y e intencion su tras ta pa Citgo reactiva e comercio na San Nicolas. Ainda ta un tiki prematuro pa esaki.