Den combersacion cu Sr. Rudy Leysner di e Fundacion Movemento ta bida a splica cu tabata tin un iniciativa di ex minister Visser pa hinca programa di deporte den barionan di Aruba. Pero esaki tabata representa un costo hopi eleva. E comunidad mes mester ta mas creativo, pa cual Sr. Rudy Leysner ta amplia.
Den referencia cu e evento di dia 6 di April, unda cu lo tin desaroyo di diferente actividadnan henter dia den caya grandi pa motiva cu e tema di ehercita curpa y percura pa biba saludabel, Sr Rudy Leysner a bisa cu comunidad mester ta hopi creativo tambe siendo cu un sistema di hinca deporte den bario por a representa hopi gasto y lo mester a tuma e iniciativa di parti di e mesun comunidad .
Tin e ehempel puntual di ciudad di Bogota unda cu mesun comunidad a bin cu e iniciativa pa cera un caya y hinca diferente actividadnan y nan mes a pone e gobierno ripara y pone atencion riba esaki caminda cu nan a cuminsa haya comprondemento riba e topico aki.
Mester bira un custumber unda cu comunidad por tin un dia pa siman unda caya ta wordo cera por ehempel un dia den caya grandi cu exercises, otro dia duna les di zumba na Plaza Padu Lampe entre otro, pa haci diferente actividadnan di e tipo aki y cu ayudo di e comunidad tambe y sigur lo keda crece y nan mes lo keda bin cu idea y cosnan nobo pa mucha y adulto y cuminsa asina cu e ideanan aki y keda cana den e direccion ey, segun Sr. Rudy Leysner di Fundacion Movimento di Bida.