Comunidad di Aruba mester para keto y realiza cu ora Cancer bati na bo porta esaki no ta wega

Den entrevista cu Sra. Lilly Prince di Wilhelmina Kankerfonds ta gradici Dios na prome lugar y sigur tambe comunidad di Aruba cu ta juda den un forma of otro pa mantene Wilhelmina Kankerfonds riba pia pa esaki por sigui brinda ayudo na pashentnan cu ta sufri di e malesa di Cancer.  Esaki pasobra ora e malesa aki di Cancer bati na porta di cualkier persona e no ta wega. Bo no kier ta para den sapato di un persona asina pasobra  e ta cambia su bida, no solamente 10 grado sino mas di 360 grado. E ta cambia bida di e pashent, pero tambe bida di henter e famia y Wilhelmina Kankerfonds mester trece cierto stabilidad den e famia pa purba judanan acepta e malesa, pasobra hopi no ta of kier acepta esaki. Sinembargo, ta algo cu nos tur ta nace cune, tur persona ta nace cu celnan canceroso, pero serca un e ta desaroya mas cu otro. Ora mira casonan asina ey mester mira cu mester cambia nos estilo di bida pero e no ta facil pa cambia di nochi pa dia y sigur den e desaroyo mundial cu tin awendia. Antes bo tabata bai na 30 of 40 prociento, awendia bo mester subi’e na 130 of 140 prociento pa bo keda al dia cu tur cos cu tin. Stress y preocupacionnan ta cosnan cu ta mata nos. Awendia tur hende kier kier y kier tur cos y mas bo tin mas bo ta busca pa tin y esey ta cosnan cu ta traha malo pa curpa di hende pasobra nos ta lubida cu dado momento mester slowdown y descansa pasobra e curpa no por mas. “Pesey nos ta pidi Dios pa duna nos foza muy en particular den e comunidad aki pa cada ken bai mas trankilo”, Sra. Lilly Prince di Wilhelmina Kankerfonds a declara nos.

 

 

Comments

comments