FirstCaribbean International Comtrust Foundation ta un sector caritativo den CIBC FirstCaribbean Bank, funda na aña 2014 cual meta ta pa yuda e persona nan y organisacion nan den e comunidad caribense den cual e banco ta opera. Desde e principio di e pandemia di COVID-19 e fundacion a brinda aporte na diferente organisacion nan di Aruba manera Rode Kruis y Oasis of Love foundation.
E team local di CIBC FirstCaribbean Aruba ta monitoria e situacion y asina identifica e necesidades den nos comunidad pa asina brinda suport desde e ComTrust den e temporada dificil nan aki. E ultimo 3 luna nan ki, aporte a wordo brinda en especial nan nos grupo di nos grandi nan como tambe nos studiante nan.
Entre otro PPE Stichting Algemene Bejaardenzorg Aruba (S.A.B.A.) a ricibi 5000 PPE Masks pa nan grandi nan. Studiante nan na “Practico pa Ofishi” a ricibi freezer y comestible nan pa nan les di cushina mensual. Tambe studiante nan di EPB San Nicolas a ricibi uniform pa e grupo cu tin mester.
Na Fatima College a aporta door di compra di bentana pa e bibliotheek di scol. Agregando e grupo special na fundacion “Ambiente Feliz” na unda a ricibi producto nan di higiena.Team local tambe a aporta na Imelda-Hoff, cu material nan necesario pa nan mantencion di nan cuatro casita.
“ Nos a siña cu Covid-19 ta trece dificultad den diferente forma en especial pa famia nan, nos grandi nan, nos studiante nan y nos organisacion nan caritativo. Aportando como tambe compartiendo ta e mihor manera pa mustra nos solidarid como CIBC Firstcaribbean y ciudadano” a remarca Sra. Jessica Croes, Costumer Service Manager.