KATTAMANDU, Nepal- Actualmente tin menos di 4 mil tiger silvestre na mundo, segun e World Wide Fund Nature (WWF).
E conservacion y proteccion di e tiger silverstre ta sigui ta un desafio. Motibo di esaki ta cu e especie aki ta wordo menasa constante dor di jaagmento y e deforestacion. Sin embargo, Nepal ta pone un lus di speransa ya cu e ta riba e caminda pa ta e prome pais na mundo den duplica su poblacion, cu actualmente ta na 235, cual ta dobbel di loke e tabata na 2009.
E pais Asiatico a uni esfuersonan cu WWF como parti di un iniciativa pa e vigilancia contra di jaagmento y cu e compromiso di duplica e cantidad di ehemplarnan pa 2022. E obhetivo di ambos parti ta pa sigui traha hunto cu gobiernonan, comunidadnan y organisacionnan civil, pa cuida esaki y demas especienan den peliger di extincion.
Diego Amorocho, coordinador di e programa di especie di WWF pa America Latina, den un entrevista cu CLÍ-MAX di NTN24 a sigura cu, e poblacion di tigernan ta sufri e consecuencia tambe di e degradacion di su habitat y el a invita comunidad internacional pa nan keda haci e esfuersonan na fabor di e especie te cuc 2022.