Presidente di Fundacion Rancho ta den pleno preparacion pa competencia di boto minatura, cual lo tuma luga proximo siman den e siman di Aruba Regatta.
Fundacion Rancho un biaha mas ta haya e oportunidad di por boto miniatura den e mundo di regatta na Aruba pa asina ey por sigui engrandece e deporte di boto miniatura. Tur admiradonan ta bin hunto na e gazebo dilanti Cas di Gobernador, pa papia over di e desaroyo di boto miniatura. Tur hende tin oportunidad di saca nan botonan miniatura. E no ta un competencia, pero un dia familiar.
Fundacion Rancho ta prepara pa siman di regatta, cual ta dia 19 di Augustus, pa cual Fundacion kier extende un invitacion mirando cu tin un programa extenso cu ARuba International Regatta ta bin cun’e y Fundacion Rancho ta traha hunto cu nan, y nan lo pasa un pelicula na Universidad di Aruba cual lo tuma luga diahuebs 17 di Augustus.
Un biaha mas ta invita tur esunnan cu ta gusta boto miniatura pa bin wak e documentario cu a wordo haci door di e ofishi di trahamento di boto, boto crioyo. Esaki ta un momento hopi special. Pa mas informacion por wak’e ariba website. E pelicula yama Vanishing Sail. Esey ta hopi importante ya cu ultimo añanan ta bezig cu Bonaire y Corsou over di Zeilen Op School. Esaki ta importante pa e fundacion pa trece e informacion na e interesadonan cu tin di haber cu boto miniatura.
Fundacion Rancho ta trece dilanti como material intangibel, cual kiermen cu e por ta algo cu por ta muriendo. Loke ta muriendo ta e parti di ofishi y kier duna contexto na dje, pa drenta scolnan cun;e. Fundacion ta bezig ta hayando un persona cu como educador por yuda den e direccion aki pa asina ey, e intencion di boto miniatura yega scol. Nan ta haci’e tambe na diferente manera, y ta importante pa e fundacion pa keda encurasha mirando cu tin diferente direccionnan pa keda motiva, mirando cu e mundo di boto miniatura ta innova y ta keda na nan pa motiva e generacion nobo.
E generacion di edad ta sostene e idea pero nan mester di mas hoben pa cambia e dinamica di e mundo di boto miniatura.
Fundacion Rancho ta sinti cu mester bin mas y pesey nan ta trahando ariba reactiva un clun di Miniatuurboot of Club di Zeil en Miniatuurboten, cual ta un club cu a wordo treci nan bida na añanan 60. E club aki ta esun cu tin e deber pa bin bek na bida y asina ey carga e deporte di bela, ya cu e ta boto miniatura pero e ta categoria camidna hobennan por siña nabega y siña atende cu botonan di bela. Bo por mira loke a sosode den Aruba Hi Winds, unda cu Bonaire a bin cu un cantidad di hoben y aki na ARuba por a wak e localnan cu a participa dne e actividad di Hi Winds. Dus eynan bo ta mira cu tin necesidad grandi na Aruba pa fomenta mas e mundo di bela.
Aruba tin un Sarah Quita cu ta campeon mundial na varios bes, pero despues di Sarah Quita no lo no tin mas pesey ta importante pa trece e deporte aki den e scolnan, ya asina por tin mas hoben den e mundo di bela.