Pa e invitacion di 7 aña di existencia, fundacion Rancho a organisa un competencia di boto miniatura riba dia di obrero. Inscripcion a cuminsa mainta tempran. For di 8or di mainta participantenan a bin inscribi nan boto crioyo pa asina por competi. Interesadonan a disfruta di e competencia unda mas of menos 20 boto miniatura a subi awa. Henter parti mainta y merdia a mira botonan di diferente tamaño a competi cu otro dilanti cas di Gobernador. E actividad aki ta e prome actividad pa aña 2017 cu fundacion Rancho ta organisa pa cu tema Boto Miniatur. Kinan e resultadonan di e competencia di boto miniatura:
Den categoria 30cm a sali na prome luga: Jayvin Quandt, na di dos luga: Aymara Franken y na di tres luga: Patrick Domacasse.
Den categoria 35cm a sali na prome lugar: Mai Lampe, na di dos luga: Patrick Domacasse y na di tres luga: Patrick Domacasse.
Den categoria 40cm a sali na prome luga: Mai Lampe, na di dos luga: Carlos Quandt y na di tres luga: Sergundo Cuelle.
Fundacion Rancho kier gradici CEDE Aruba tur e apoyo cu ricibi. A propone “Boto Miniatura” como material intangibel y actualmente ta preparando un workshop pa asina cuminsa cu e proyecto ” Boto Miniatura Crioyo”. Keda pendiente pa mas informacion of tuma contact na [email protected].