Companianan Hulandes a yuda Odebrecht horta 100 miyon euro

AMSTERDAM/BRASILIA- Companianan Hulandes ta wordo sospecha di ta implica den un caso grandi di corupcion na Brazil. Via Hulanda, lo a paga 100 miyon euro na soborno di ambtenaarnan den exterior y tambe partidonan politico.
FIOD a tene un entrada hudicial den tres compania y tres cas. Eynan e administracion a wordo tuma den beslag. Un homber di 48 aña di Leiden a wordo deteni den caso di corupcion aki. “No ta descarta cu lo por tin mas sospechoso”, segun un vocero a declara na NOS.
Contract falso
E sobornonan a wordo paga door di e compania di construccion Odebrecht. “Pa sconde e votonan, a lanta structuranan cu companianan Hulandes”, según ta para den e comunicado di prensa di FIOD.
FIOD ta sospecha cu a haci uzo di contractnan falso y facturanan falso pa asina substancia e sumanan grandi di placa. “Probablemente e structuranan a wordo lanta y facilita door di stakeholdernan Hulandes di e mundo di asesoria fiscal”.
666 miyon
E participacion di companianan Hulande den e scandal a bin sali na claridad ora cu’n banco a meld un transaccion dudoso na e Financial Intelligence Unit-Nederland. Tambe na belastingdienst señalnan di fraude a cuminsa drenta.
Odebrecht a admiti cu cerca di 666 miyon euro a wordo paga na soborno den diesdos pais di Latinoamerica. E compania constructura segun De Telegraaf a traha hunto cu e SBM Offshore Hulandes, unda cu añanan anterior un scandal di corupcion tambe a hunga un rol.
E ex director di SBM pa es motibo aki tambe a wordo condena na 3 aña di prizon y un boet di 130 mil euro.

Comments

comments