Companianan estatal ta haci nan ganashi, cual parti di esaki ta wordo reserva pa haci inversion, pa crea stabilidad, traha dam warda awa, si acaso un dia cos ta malo. Pero aworaki cachicachi so ta bay pa gobierno. Prome Minister, Sra. Evelyn Wever- Croes ta amplia.
Aruba ta pasando den momentonan hopi dificil y gobierno mester di placa awo.Caminda cu por, ta pidi pa improvisa nan inversionnan, no tur caminda, ya cu tin caminda cu inversionnan ta welcome. A pidi e companianan pa evita cu nan patronchi di gasto,cu ta mucho halto. Mester hala faha mara cu tur e departamentonan di gobierno y a corta tur loke por a corta y esey ta conta tambe pa e companianan estatal. Nan mester bay den austeridad tambe, pa asina wak con pa resta mas cen. Den caso di WEB, Elmar y Utilities ta wanta e dividend na gobierno, pero ta want’e pa asina baha e prijs di awa y coriente mas pronto posibel.
Dia prome di July lo drenta na vigor e tarifa nobo di bbo (incl. BAZV) di 6% y eynan ta haya e aumento di diferente gastonan indirecto, cu ta di 2.5%. Loke mester haci ta pa tin un bon control pa no cay den speculacion, segun Sra. Evelyn Wever- Croes, Prome Minister di Aruba.