Pepia Est, un compania di distribucion aki na Aruba cu cooperacion cu e producto San Benedetto Water di Italia a logra pa haci un donacion di un container di 20 pia pa esunnan den necesidad na St. Maarten. E container aki lo wordo transporta for di Italia pa Sint Maarten. E compania di transporte IFC Rotterdam cual ta un partner confiabel di Pepia Est tambe a dicidi di duna un man. E compania mes lo cubri e gastonan di transporte. Ta premira cu e cargacion di botternan di awa lo yega Sint Maarten na final di November. Na yegada di e container Gobierno di Sint Maarten lo ta responsabel pa distribui mas di 10.000 boter (1.5liter cada boter) di San Benedetto Water pa esnan na Sint Maarten.
“Nos no por a sinta keto y no haci nada despues di a tende y mira tur e daño cu a wordo causa na nos hermana isla St Maarten. Nos a tuma contacto cu nos proveedornan y compania di transportacion pa mira kiko nos por logra conhuntamente ” Herdy y Michael Managing Director di Pepia Est a duna di conoce. ”
Nos deseo ta pa e habitantenan di St. Maarten recupera hopi lihe y keda fuerte durante e proceso di reconstruccion. #sxmstrong.