AMSTELVEEN, Hulanda – Un atraco espectacular cu a tuma luga riba un joyero na November na Amstelveen, a wordo poni riba escena. E doño di e compania a fingi un robo miyonario pa asina strika algun miyon di euro cerca su compania di seguro. Esaki ta segun Ministerio Publico di Amsterdam.
E sospechoso principal ta e doño di 50 aña. Parce cu ya a detene pa dia 18 di April. Supuestamente el a wordo “teni como rehen”, caminda cu “tres atracador” lo a huy cu un botin di algun miyon. Despues e lo mester a cerca su mes den kluis di su negoshi y for di eynan el a yama polis pa e wordo libera.
E compania di seguro, cu ta sigura e joyanan di su caompania, ya a paga un bon parti di e daño. E compania di seguro lo bay duna keho di fraude. Fuera di e doño, tres otro homber y un muhe ta deteni.
Fuente: De Telegraaf