Utilities NV a cera un acuerdo cu Paxi Public Affairs Communications & Monitoring N.V. (Public Affairs) pa e periodo di 1 di maart 2014 te cu 31 di december 2014, unda cu lo paga Public Affairs 2 mil florin. Segun Utilities, e acuerdo aki lo a wordo automaticamente prolonga pa 2015 y añanan siguiente.
E labornan di Public Affairs ta e monitoreo diario di media di Aruba, e.o. posibel reportenan negativo y mal publicidad relaciona cu Utilities NV, y su filialnan manera WEB, Elmar y Aruggas. Incluyendo informacionnan tocante SETAR.
Ademas, informenan relaciona cu Green Aruba, Smart Sustainable Energy, Alternative Energy Conferences, Repsol, Valero, Kuzeta etc, tambe ta rekeri.
E balor agrega di e servicionan aki pa Utilities no ta conoci como tampoco kico a wordo haci cu e informacion ricibi.