Tin casonan specifico unda cu no ta saca den prensa, tocante companianan cu a bati bancarota of nan representante. Esaki ta pa prome nan bay, nan cera nan cuenta di impuesto. Sra. mr. Luenne Gomez- Pietersz ta elabora ariba esaki.
Si esaki no ta e caso, ta pone beslag y bende. Sigur departamento di Deurwaarder tabata tin contacto cu Tony Roma’s, pa make sure cu e impuesto wordo paga, prome cu e negoshi cera. Si tin indicacion cu e compania no ta serio, manera ya menciona, e doñonan of e director ta ‘hoofdelijk aansprakelijk’, cual a yega di sosode caba den caso di Sr. Frogg’s. A logra para e director cu kier a bandona Aruba sin cumpli cu nan debernan di impuesto, esey ta bevoegdheden cu tin e ley cu ta haci uzo di dje, ora cu e ta necesario.
Naturalmente kier resolve tur cos na bon manera na mesa, pero si no por resolve esaki na mesa, of no tin e espacio pa resolve cosnan na mesa, lo tin di bay haci uzo di ley cu ta na banda di SIA.
Ora cu’n compania ta cera, como Departamento di Impuesto e no ta gosa asina ey, e ta tristo pa mira cu door di mal maneho, of falta di informacion, of uzando cen cu no ta dibo, ya cu e Loonbelasting ta wordo retene di e trahado tur luna. E ta e belasting cu ta concerni e trahado y no e negoshi. Tin ora negoshinan pa motibo di cashflow, nan ta retene Loonbelasting di e trahado, y enbes di paga loonbelasting, nan ta uza e placa pa otro cos. Si e trahado por mustra cu e placa a wordo kita for di su salario, no ta bay tin consecuencia pa e trahado. E compania mester para responsabel pa e placa cu e no a draag af.
Si esaki no sosode, ta saca un Naheffingsaanslag pa e ‘inhoudingsplichtige’. Pa nan ta saca e naheffing y boet, y si no haci’e, e compania ta responsabel. Ta situacionnan cu ta presenta hopi biaha, cu ta sosode mas y mas. Y e ta un desaroyo un poco alarmante, pasobra cu eynan ta wak cu e besef cu e cen no ta di e compania, pero ta di e trahado cu ta paga belasting. Y si no haci esaki, ta saca un naheffing y boet pa e compania cu no ta cumpli, segun Sra. mr. Luenne Gomes- Pieters, directora di Departamento di Impuesto.