Sr. Sushant di Mott MacDonald ta na Aruba pa yuda e pueblo y gobierno di Aruba pa yega na un futuro riba tereno di maneho di desperdicio.
For di dialuna nan ta bezig ta purbando di emprende y ta competente den compronde den kico ta e composicion di sushi. Ta wak e sushi residencial y comercial. Loke ta sosode ta, cu unabes e sushi drenta, e truck ta basha e sushi afo, ta mixnan, ta separanan den 4 diferente stapel, reduci esaki na 2 stapel y atrobe mescla nan. Ta purba di haya algun muestra, pa cual ta sortia nan y find out cuanto tela, bateria, carton y papel ta bay den sushi.
Ora cu pasa door di e ehercicio aki e compania lo informa gobierno y Serlimar, kico nan por recicla, cuanto nan por recicla y tambe algun muestra lo wordo manda pa un laboratorio na Reino Uni, cu lo mester duna un calculo real di e sushi. Asina tambe tin tur e datonan, esaki ta e prome stap den un proceso largo. Sr. Sushant a bisa cu esaki ta un proceso cu por tuma luga pa algun siman, pero algo cu Mot MacDonald ta para pe ta cu nan ta di siña otro nan habilidadnan, cual nan ta haciendo cu trahadonan di Serlimar. E trahadonan di Serlimar ta wordo involucra den henter e proceso.
Asina cu e laboratorio haya e muestranan, nan lo tuma 10 dia pa procesa esaki. Dus e muestranan lo bay den dos batch, lo tin un shipment di residuo residencial y uno comercial. Asina, manera cu nan haya esakinan, nan lo procesa esaki, e resultadonan lo wordo manda via email, lo traha un rapport, y manda pa Serlimar, cu lo tum’e despues di esaki.
Pa loke ta sigui despues, Sr. Sushan a splica cu Mot Mac Donald su envolvimento ta di principalmente pone e proyecto aki ariba pia, pa despues Serlimar mes sigui cun’e. Sr. Sushan a bisa cu el a reuni cu varios persona tanto di Serlimar como di gobierno y a splicanan cu Mot Mac Donald lo ta dispuesto na yuda cu strategia ya cu nan tin hopi experiencia ariba e tereno aki. Manera ya caba el a splica, tin varios oportunidad cu nan por traha ariba dje. Cu’n inversion relativamente abao, por logra toch hopi.
Poniendo un poco esfuerso, lo por logra hopi, segun Sr. Sushan, pa asina yuda Serlimar y pone Aruba ariba mapa, como un di e islanan mas sostenibel den Caribe.