Dialuna dia 4 di maart durante un ceremonia militar den ora di mainta, Compagnie in de West Rotacion 44 a pasa su tareanan p’e siguiente unidad, rotacion 45. E Comandante nobo, Capitan Bernhard di e Batayon 13 B ‘Pegasus’ di Assen, a tuma su tareanan durante un asina yama “peddeloverdracht” tradicional fo’i man di su predecesor Capitan Siebe. Comandante di Forsanan Naval Region Caribe Hulandes, Walter Hansen, durante e ceremonia a para keto na fayecimento tragico di un di e coleganan di Compagnie in de West.
Capitan Siebe ta mira bek riba un periodo intensivo y special: ”E dianan cu a pasa tabata intensivo. Mientras nos tabata cla p’e ultimo siman na Corsou, riba diasabra 24 di februari un di nos coleganan a perde su bida mientras e tabata snorkel dilanti costa di Playa Porto Marie. Nos ta gradicido pa tur yudansa cu nos a ricibi durante e buskeda di e colega aki, y p’e deseonan di convivencia cu nos a ricibi.”
Tambe C-ZMCARIB Walter Hansen ta gradici tur hende cu durante e ultimo dianan a demostra nan sosten: “E fayecimento tragico di nos colega di Compagnie in de West a haci un impacto grandi riba mi y tur e coleganan aki den Region Caribe Hulandes. Mi kier gradici tur esunnan cu durante e ultimo dianan a demostra nan sosten. Siman cu a pasa nos por a despedi honradamente como ‘One Team Carib’. Nos pensamentonan ta cu su famia, su sernan stima y coleganan mas di cerca. Nos ta desert nan hopi forsa durante e periodo dificil aki.”
Ora Capitan Siebe mira bèk riba henter e periodo di sidesplitting, aki nan tabatin un tempo como unidad hopi util y hopi educativo: “Na tur momento nos tabata cla pa accion. Asina, riba peticion di e socionan local nos a keda desplega den cuadro di operacion contra traficacion di droga, nos por a sostene mas cu un proyecto pa bon causa na Corsou y Boneiro, y den nos elemento EODD, nos a keda ubica mas cu un biaha pa deshaci di explosivo y train nos socionan local. Banda di esey continuamente nos tabata intensiva nos propio posibilidad pa accion pa medio di organisacion di training desafiante. Nos por a hacie loke pa kico nos a bin y nos a sinti nos mash bonbini den e parti special aki di nos Reino.’’
Capitan Bernhard ta anticipa cu durante e cuater lunanan venidero lo haci ehercicio cu e Compagnie y e specialistanan y traha den Region Caribe. E compagnie ta wordo sostene pa arkitecto, personal medico y un ekipo di EOD. E combinacion di Compagnie ta unico y ta existi di mita grupo di empleado propio cu ta capacita y cu na december 2023 a ricibi nan baret cora. E periodo como CidW-45 ta un momento hopi importante p’e unidad, durante cua nan lo bay train hopi y intensivo y traha hunto cu otro. Mindanao ta posibel e cooperacion aki ta keda sostene y bishita p’e socionan local. Ademas e unidad ta cla pa keda desplega na momento cu ta pidi esaki di nan.
Compagnie in de West (CidW) ta unidad permanente di Ehercito Real, cu bou di comando di CZMCARIB, por keda desplega pa un variedad di tarea. E cuater lunanan venidero e Compagnie lo train taunt na Aruba, Boneiro y Corsou.