E proyecto pa wrap full un ambulance ta un proyecto cu ta tin den agenda pa dos aña caba pero debi na e pandemia esaki no por a keda concretisa. E aña aki, prome a pensa pa verf IMSAN ros pero despues a cambia di idea.
A pensa tambe pa pone luz ros riba IMSAN anochi pero esey lo keda pa anochi so tur hende por wak e.
Na final a bin cu e idea mahestral, pa decora un ambulance cu lo move tur caminda na ros como conscientisacion na nos comunidad di Aruba y como esaki ta e ambulance di mas bieu des servicio.
Na final a pidi e pueblo di Aruba pa respeta e ambulance aki tambe e tin mesun balor cu e otronan.
