Den e fin di siman di 8 – 10 di juni binidero lo tuma lugar algun evento importante riba tereno di anti-doping. Durante tres dia Comite Olimpico Arubano den colaboracion cu WADA y RADO ta organisa den e Ball Room di Holiday Inn Resort diferente actividad di anti-doping. Riba diasabra 9 y diadomingo 10 di juni ta tuma lugar respectivamente e Asamblea Annual di RADO y un TUE-Training pa mediconan di tur pais miembro di RADO. Diabierna 8 di juni ta tuma lugar un Seminario Anti-Doping den cual specialistanan di RADO lo trata e temanan di Whereabouts, Procedura di Testing y otro temanan importante di anti-doping. E seminario aki pues ta specificamente pa atleta y dirigentenan activo di nivel nacional y internacional di e federacion miembro di COA.
E schedule pa e weekend di 8 – 10 di juni binidero lo ta:
Diabierna 8 di juni
5.00 pm – 6.00 pm: Conferencia di Prensa, Ballroom Holiday Inn Resort
6.30 – 10.30 pm: Seminario Anti-Doping, Ballroom Holiday Inn Resort
Diasabra 9 di juni
08.00 am – 5.00 pm: RADO Annual Board Meeting, Ballroom Holiday Inn Resort
Diadomingo 10 di juni
08.30 am – 09.30: Apertura oficial Ballroom Holiday Inn Resort
09.30 am – 5.00 pm: TUE-Training, Ballroom Holiday Inn Resort
E orador pa e Seminario di diabierna 8 di juni ta Dr. Adrian Lorde, Presidente Caribbean RADO y tambe Director di the Barbados Olympic Association Inc. y Presidente di e Barbados Sports Medicine Association. Tambe e ta e actual secretario di e Pan American Sports Medicine Federation como tambe Presidente di National Anti-Doping Commission di Barbados. Dr Lorde ta miembro tambe di e Medical Commissions di e Central American and Caribbean (CAC) Game y Pan American Games Sports Organization desde 1993.
Interesadonan pa cu e seminario anti-doping por registra na [email protected] of por yama oficina di COA pa mas informacion na tel. 5820031.