Dia 29 di September, manera ya a wordo menciona durante varios rueda di prensa pa Comision Pro Siguridad y contra Criminalidad, lo ta un dia caminda cu lo bay tin un marcha pa asina demostra contra di e criminalidad cu ta asotando nos isla y boga pa mas siguridad. E marcha aki lo sali for di Postkantoor na Playa, direccion edificio Cocolishi pa 4’or di atardi, y nan ta cla p’e.
Segun e comerciante Hubert Dirksz, el a forma parti di e grupo aki, no pa motibo politico. E tin mester di politiek. No ta pa critica Gobierno, e no tin interes den esey. Loke e tin interes si, ta pa biba su bida trankil y den siguridad aki na Aruba. Pa por haci negoshi den un ambiente sigur, no pa gasta sumanan increibel. Su budget di siguridad di su negoshinan of negoshinan cu e mag di guia, a redobla contrario na Gobierno cu no a redobla su presupuesto. Loke e kier a trece na cla cu e grupo aki ta a wordo gestempel como tin un agenda politico. Si tin politico cu kier join y back nan up den e lucha contra criminalidad, nan ta mas cu bon bini, segun Dirksz. Tin ta play tough den parlamento y Dirksz kier play tough den e casonan aki tambe.
Nan ta bin cu estadistica. Dirksz a studia un tiki di statistiek. E prome les ta cu bo tin gañamento y bo tin estadisticanan. Un gevoel ta mescos cu un friu. Nos ta sinti cu e cos aki ta yegando riba un climax. Y el a yeg’e basta tempo caba. A bin hunto pa bisa gobierno si e kier scucha, e ta scucha. Si e no kier scucha, e ta keda sin scucha. Bo prioridadnan ta robes.
Dirksz ta asombra cu hopi hende no conoce e palabra prioridad. E ta facil pa splica. Prioridad pa core den bo auto, bo mester di gasolin. Si bo no tin gasolin, bo por tin un auto laba bunita y bunita tire, pero e no ta core.
E prioridad cu kier pa Aruba, ta siguridad. Si no tin siguridad, no tin felicidad, economia ta sufri, tur cos ta sufri. Pesey a bin cu e mensahe pa Gobierno, pa por fabor cambia bo prioridad. Tin prioridad riba lista cu no ta prioridad, mas e ta bon, pero e no ta mas halto cu siguridad. Si bo kier ta green 2020, God Bless You, pero no kier tin coriente green y nan ta mata den cas. Prioridad ta siguridad riba tur e otro cosnan. Si kier scucha, e ta scucha, si e no ta scucha, nan no ta scucha. Ta pidi pueblo, pa trece e mensahe aki cu e grupo.
Kier biba den un Aruba safe. Kier biba den un Aruba, caminda cu no mester lanta mainta y keda pendiente si algo a wordo horta of kibra.
Riba e lista di prioridad, e gasolin di auto ta siguridad. Si no por duna esey, cambi’e. No kier core riba un brug bunita, pasa bay y ta sigur. Siguridad ta prioridad number 1. Ta bay marcha y pidi Gobierno pa por fabor cambia prioridad y bay pone siguridad number 1. Ora cu bira 2020, 50% menos criminalidad, e ora ta haci un miho marketing pa Aruba. No solamente ta haci Aruba uno green pa 2020, sino mas sigur den Caribe. E ora a logra algo, e ora tin hendenan feliz.
E ora e rating di felicidad lo no ta 60%, sino 90 pa 100%. Un hende cu ta sinti su mes sigur ta un hende feliz.