Recientemente Team Mayor Activo di Scol Cacique Macuarima a haci un bishita cerca Minister President mr. Evelyn Wever-Croes na Bestuur Kantoor.
Aki ta na unda cu miembro nan di e Team meneer Michael Croes y juf Rachell Murray a haya e oportunidad pa intercambia idea nan di innovacion cu Minister President pa asina hiba e scol na un siguiente nivel di innovacion.
Innovacion ta e yabi pa habri mas porta di oportunidad pa nos studiante di scol y asina yuda nan ta miho prepara pa e siguiente reto den educacion.
Tambe a probecha trece dilanti algun actividad nan y trabao nan cu a wordo realisa di coriente na scol pa asina por keda cla cu e proyecto di airco pa tur e lokaal nan.
Team Mayor Activo kier a gradici Minister President mr. Evelyn Wever-Croes pa su apoyo pa e proyecto nan pa scol.