Washington, MERCA- E Comision Interamericano di Derechonan Humano (Cidh) lo evalua entrante diabierna, e decretonan migratorio di Trump, e crisis politico social na Venezuela y e desaparicion di e 43 studiantantenan Mexicano di Ayotzinapa.
E audienciananpublico lo tuma luga entre diabierna 17 di Maart y 22 di Maart na su sede na Washington.
Otro temanan destaca ta 161 periodo di sesionnan cu lo wordo trata ta e cambionan normativo den imigracion na Argentina, e situacion di libertad di expresion na Nicaragua, y tambe e denuncianan di violencia y tortura den prizonnan Brazilero.
E audiencianan publico di Cidh, cu ta wordo celebra varios biaha pa aña, ta e arma principal di e Organisacion di Estadonan Americano (OEA) pa visualisa y denuncia e violacionnan di derechonan humano den e region.
Entre e novedadnan ta destaca e prome audiencia riba e derechonan di e trahadonan sexual den e region y otro over di e situacion di personanan intersexual, cu tin menos visibilidad den e grupo LGBTI (Lesbians, Gays, Bisexuals, Transexuals and Intersexuals).
Si añanan anterior tabata Venezuela, Mexico of Colombia e paisnan cu audiencia mediatico, e biaha aki ta Merca ta uni su mes na e grupo aki cu’n audiencia convoca riba iniciativa di CIDH, riba e medidanan migratorio di Trump.