Comision di Derechonan Humano di UN pidi pa bandona Burundi

0

NAIROBI, Kenya (AP) — E Oficina di Nacionnan Uni pa Derechonan Humano diahuebs a informa cu e gobierno di Burundi a pidi nan pa bandona e pais, despues di cu e hefe saliente di Nacionnan Uni su Departamento di Derechonan Humano a yama e pais ” un di e paisnan cu e slachthuisnan mas profilico di ultimo temponan”.
E vocero Ravina Shamdasani na Genova a confirma cu nan a ricibi un carta diaranson “pidiendo nos pa cera e oficina. Dimes nos ta lamenta e decision aki y nos lo sigui nos cooperacion cu Burundi”.
El a abstene di duna mas comentario, yamando e cuestion, uno sensitivo. Fuentenan dentro di e oficina di Nacionnan Uni na Burundi a conta Associated Press cu nan a haya dos luna pa bandona e luga. Nan a papia bou condicion di anonimato ya cu nan no tabata autorisa pa papia cu periodistanan.
Burundi poco poco a bin ta hala atras for di critica internacional, haciendo historia un aña pasa como e prome pais di sali for di e Corte Penal Internacional.
E pais Africano aki ta rabia pa e informenan di ONU cu ta describi supuesto abusonan mei mei di un intrankilidad politico desde cu e presidente Pierre Nkurunziza a dicidi di postula su mes pa otro periodo na 2015. Mas di 1200 persona a wordo asesina dede e tempo ey, segun ONU y e huesnan di CPI a autorisa un investigacion riba e denuncianan di crimennan patrocina pa estado, incluyendo asesinato, violacion y tortura, un decision cu no a wordo afecta pa e retiro di Burundi for di e Corte.
Gobierno ta nenga e acusasionnan aki categoricamente cu e ta mik ariba su mesun hendenan, bisando cu e acusacionnan ta propaganda malicioso difundi door di exiliadonan.
Nengando di coopera cu e comision di investigacion di Nacionnan Uni of firma un MOU cu e Union Africano, un biaha mas gobierno ta purbando di blokia investigacionnan independiente, segun UN.
“Pero e berdad lo sali na cla”.

Comments

comments