Comision famia Kelly bou di liderasgo di Ron Martis ta organisa diasabra awo dia 29 di October un evento pa asina recauda fondo pa un famia cu na inicio di e aña aki a sufri perdida di nan cas dor di un incendio. Ta trata di famia Kelly di Kurimiauw 2 cu na inicio di e aña aki a perde practicamente tur cos den un incendio. Tabatin varios mucha afecta den e caso aki cual siguramente ta algo hopi grave. Ron Martis hunto cu un ekipo di boluntario ta organisando un evento pa recauda fondo pa yuda e famia pa reconstrui nan hogar. Un cas Arubano cu a kima por completo. Diahuebs mainta dia 27 di October e organisadornan ta preparando un conferencia di prensa pa asina informa comunidad di e evento di diasabra. E evento lo tuma lugar na Centro di Bario Noord unda tambe lo tin, eventonan pa mucha como Dino Jump y tambe bendemento di cuminda door di famia Kelly tambe DJ Patrick lo ta encarga cu entretenimiento. Tambe e team lo ta activo riba caya pa asina recauda fondo pa e famia. E fondonan aki lo wordo administra pa Aruba Bank pa asina garantisa tur transparencia. E presidente di e Comision Ban Yuda Famia Kelly sr. Ron Martis kier a extende un invitacion cordial na henter comunidad pa prepara pa yuda e famia unda cu nan por.