E Asociacion Empresarial di Corsou, VBC, a expresa su preocupacion p’e efectividad di e aumento di salario minimo na Corsou. VBC ta cuestiona si e aumento aki ta conduci realmente na un aumento di e poder di compra y na un reduccion di pobresa, mirando e falta di atencion n’e productividad laboral.
VBC ta sigui bisa cu e aumento di e salario minimo, cu a aplica den un 11,2 porciento entrante januari 2023 y otro 5,4 porciento pa 2024, por ta no tin e efectonan desea. “N’e trahado cu salario minimo ta paga nan mas p’e mesun trabao, sin cu esaki conduci na un produccion adicional,” VBC ta afirma.
E organisacion ta señala e posibel desbentahanan di e aumento, manera e aumento di e costonan salarial p’e empresarionan, loke por tin consecuencia negativo pa trabao.
Esaki por ta specialmente problematico den e sectornan cu hopi trahado cu salario minimo. Un salario minimo mas halto tambe por genera prijs mas halto di bienes y servicio, loke ta alimenta inflacion.
VBC ta sostene e aumento anterior di salario minimo, pero ya a adverti riba e consecuencianan di un aumento demasiado fuerte. Ta pidi un maneho di apoyo cu ta alivia e carga riba e sector priva y aumenta e poder di compra di esunnan menos afortuna.