Poco accion, pero hopi pensamento. Comercio den Caya Grandi ta cla pa muri. Sra. Marjorie Vermeer ta amplia.
E cuenta di sinta warda morto no ta bay cu MAMBO. Pero niun comerciante mester haci asina. For di principio caba, e comerciante ta pone su placa unda su boca ta. E ta sali, bay busca mercancia, e ta tuma riesgonan pasobra esey ta un entrepeneur. Awo, 4 aña despues di cu caya a bira asina keto, mester papia di competencia: e mall.. Pero si ta papia di Palm Beach Plaza, tambe ta muriendo. Kico a pasa cu e espiritu di sigui, di sobrevivencia cu e comerciante tabata tin? Ta papia aki di e comerciante Hindunan. A papia cu Henry, cu ta e Chief di e Comunidad Hindu, pero esaki no tin tempo. Mester haci algo, y e unico cos cu por haci awo, cu ta den man di e comerciantenan, ta pa habri anochi. Habri anochi, tur e turistanan cu ta den hotel, enbes di bay den mall, nan lo bin den caya. E caya ta bunita, e tin ambiente. A papia cu DOW (Mambo), y el a bisa cu e momento cu ta habri a bisa di pone lus den caya. No mester sinta warda ariba gobierno. E fontein ta cera. Dia 2 DOW lo cuminsa traha ariba e fontein, lo bin lusnan di pasco. Lo bin cu decoracionnan di Pasco. Ta hayando loke tabata tin antes. Solamente falta pa lanta y bringa contra morto, y esaki falta ainda.
Sra. Vermeer kier pa full comercio dicidi, pa di 2 di november, cu ta e dia cu Sra. Lindey Croes di AREA a pidi pa tur comerciante habri pa shopping night. Y djeynan mester keda habri anochi. Ta haya comerciante cu ta bisa cu e trahadonan ta hendenan cu ta mama di cas, y nan lo no kier bay traha anochi. Segun Sra. Vermeer, si e comerciante no por paga e salario fin di luna, Arbeidszaken ta cay aden. E empleado ta bay hib’e caso dilanti pa su salario. Ta e comerciante mester ta creativo.
Dianan cu tin barco, ta habri den dia pa e turistanan den barco, pa cera bek. Y habri anochi. Falta flexibilidad, e spirito di e Arubiano, sin importa di unda nan a bin, pa nan lanta y tuma accion. Tin tur hende na caminda, tin DOW ta cla, polis ta cla, e boluntad di full pueblo cu ta cla. Despues nan a bin cu e cuestion di parkeer. Pero esey ta cla caba.
Minister Chris Romero a bisa di lo kita tur e vaknan geel, pero e situacion a keda mescos. Arubiano no ta bay den caya. E geelnan lo bira free y lo bin blauwnan na cierto areanan, e.o. na parkeer di Arubus, ex Texas. Y esunnan cu ta traha leu, por subi e tram cu ta bay den caya. Kico falta pa tuma accion?? Dicon ta sigui warda ariba gobierno??
Sra. Vermeer a finaliza bisando cu gobierno a haci su parti y el a caba cu su parti tambe. Ta keda awo na e comerciante pa haci di su parti.