Presidente di Mamboo, sra. Marjorie Vermeer-Luidens, ta comenta cu mundo di internat ta un competencia y comerciantenan mester bira mas creativo.
Sra. Vermeer-Luidens ta sinti cu nunca lo tin un competencia berdadero pa un tiendo unda cu clientenan por drenta y mishi cu productonan. Loke nan ta confronta cu ta internet como competencia, esey ta un hecho na tur parti di mundo. Comerciantenan mester bira mas creativo pa atrae clientenan, bin cu productonan cu e cliente kier, train nan trahadonan, pasobra e ta bay p’e toke personal. Clientenan ta bay den tiendanan, pasobra nan ta sinti nan mes bon eynan. E amabilidad ta un factor di importancia den servicio.
Ora un turista bin Aruba, e mester sinti su mes na cas. Permiti e clientenan sinti nan mes bon den e tiendanan, decora e tiendanan, habri tur e otro tiendanan cu tin, busca productonan apart y nan lo bende. Tur tienda tin su retonan manera internet, pero comerciantenan por haci di nan tienda un experiencia cu clientenan por sinti nan mes na Aruba. Aunke tampoco ta secreto cu belasting ta un factor cu ta cabando cu comercio. Nan ta pidi Gobierno yuda nan. Si Mamboo t’eycu su bid, e ora nan por cuminsa cu e bad belastingnan cu ta bin, pero cu por yuda nan haci nan propagandanan, bin cu entretenimiento den caya, pone cafenan, pasobra hendenan kier sinta den curason di pueblo.
Sra. Vermeer-Luidens ta mustra cu clientenan tin tiendanan den cual nan por drenta mira y mishi cu productonan locual no por haci riba internet. Un comerciante a tuma e riesgo di bin cu un tienda, pasobra e tin tur e componentenan necesario pa crea e ambiente y atraccion pa clientenan.