Informacion den fin di siman riba disputa di propiedad di un chasis entre dos comerciante di cargo a keda resolvi diadomingo mainta.
E caso inicial aki riba disputa di propiedad di un chasis a cuminsa cu detencion di e comerciante C.T. basa riba un denuncia entrega contra su persona pa e comerciante H.. Despues cu C.T. a haya su libertad y mustra polis su pruebanan, pa completa e investigacion riba e caso aki, autoridad a opta pa yama e comerciante H. tambe aden pa interogacion diasabra atardi. Diadomingo mainta acontinua cu e investigacion cual a keda conclui finalmente unda e comerciante H. tambe a mustra pruebanan cu e tabatin desde prome dia, riba su propiedad di e chasis en cuestion.
Recherche a notifica fiscal cu nan ta cla tur informacion necesario pa aclarea propiedad real di e asunto di chasis aki. Ambos comerciante por a reanuda nan labornan diario.