Diamars den careda di 1 or marduga un comerciante masculino cu su yiu chikito den man a keda atraca pa dos hende homber cara tapa y cu arma di candela den man. E tabata dilanti su cas na Sabana Liber villa park y e atracaodrnan arma a pidie pa placa y a hinke den su cas. Aki e hombernan a cuminsa reboltia tur cos den e cas busca cos pa horta bay cune y a bay cu solamente 20 dollar y un iphone. Nan a bandona e sitio den un celica A-56111, y bisiñanan atento tambe a tuma nota di e auto ey rato prome. Patruya di Noord y Santa Cruz pariba di e dam na Moko a topa cu e dicho toyota celica aki staciona na cas di conocidonan di husticia. A topa cu un cabayero cu e descripcion cu e hendenan a wak e y no a keda nada otro pa Polis deteni y hibe warda pa mas investigacion. E auto tambe a keda tuma den beslag.