E resultadonan di un estudio nobo ta mustra cu tanto un consumo halto y abao di glucido ta relaciona cu’n speransa di bida abao. E consumo modera di carbohidrato por ta saludabel y prolonga e bida, segun un estudio di cientifico di Brigham and Women’s Hospital (BWH) di e ciudad di Boston. E estudio aki a wordo publica diahuebs ultimo. E conclusionnan di esaki tambe a wordo publica den e revista MedicalXpress. Den e estudio a participa 15.428 adultos di entre 45 y 64 aña di edad, cu a consumi entre 500 y 4200 kilocaloria diariamente. E participantenan a responde cuestionarioann na comienso di e investigacion, den esaki nan a precisa ki tipo di alimentacion nan ta conusmi. E investigadonan a calcula e relacion entre e consumo di hidrato di carbon y e mortalidad despues di considera e edad, sexo, actividad fisico y educacion, entre otro factornan. Durante e 25 aña di e investigacion, 6.283 participante a fayece. E estudionan a revelea cu tanto consumo abao di glucido (menos di 40% di caloria obteni di carbohidrato) como e consumo halto (mas di 70%) di e consumo di glucido ta conduci na un speransa abao di bida. Mientras tanto, cientificonan a descubri cu desde 50 aña, e speransa di bida a wordo alarga cu 33 aña y mei pa e grupo cu tabata presenta un consumo modera di carbohidrato (entre 50 y 55%): cuater mas cu esunnan cu consumo abao di carbohidrato y aña mas cu e consumo halto di carbohidrato. E investigacion a revela tambe cu e dieta cu ta reemplaza e carbohidratonan pa vet y proteina di animalnan manera galiña, baca of porco ta relaciona cu’n mayor tasa di mortalidad, mientras cu e consumo di proteina vegetal (berdura y fruta) ta relaciona cu cifranan di mortalidad abao.