MANAMA/WASHINGTON – A trabes di un comunicado, oficalnan di Marina Mericano a indica cu no tin señal di un morto violento, aunke cu e causa exacto di su morto no ta conoci pero ta bou di investigacion.
E comandante di e Fifth Fleet y e US Naval Command Centre, Vice Almirante Scott Stearney, a wordo haya morto diasabra den su residencia na Bahrein, segun un comunicado di US Navy.
E hefe di operacion di US Navy, e almirante John Richardson, a a firma den un comunicado cu, te ainda, no ta conoci e motibo exacto di su morto, aunke no tin indicacion di violencia.
E cargo di Stearney lo wordo asumi pa Deputy Commander Paul Schlies. E zona di responsabilidad operativo di e Fifth Fleet di US Navy, cu tin sede den e Reino di Bahrein, ta inclui Golfo Persico, Red Sea y Golfo Persico, como tambe parti di e costa di Africa Oriental.
E comanda ta un parti critico di e interesnan Mericano ariba tereno di siguridad, mirando e retonan di Iran y rebeldenan Houti na Yemen, apoya door di Iran, di cual ambos ta wordo mira como un potencial menasa pa e transporte maritimo den e region.
Un gran cantidad di transporte comercial, incluyendo gran cantidad di petroleo y gas, ta biaha a traves di e awanan supervisa pa e Fifth Fleet.