Colonia Portugues ta celebra Dia di Luis Vas de Camoes

0
RBC Juli 2018
Funmiles-2018

Celebracion di 53 aña di Dia di Portugal, Dia di Luis Vas de Camoes y Dia di comunidad Portugues rond mundo
Diasabra 10 di Juni 2018
• Diadomingo 10 di Juni Comunidad Portugues na Aruba ta celebrando 53 aña di existencia.
Pa e gran celebracion aki cu ya ta un custumber tur aña na Aruba esta dia Nacional di Portugal Dia di Luis Vas de Camoes y dia di comunidad Portugues rond mundo lo tin acto protocolar na Wilhelmina Park pa 10or di mainta. E celebracion aki a cuminsa na aña 1965 unda sr. Aventura Quimarais, kende riba dia 9 di Maart 1927 a nace na Portugal cu 36 aña e la imigra pa Aruba, su ofishi tabata welder, pero e no tabata un welderdo comun y coriente, e tabata un artista . E tabata miho conoci pa e homber cu tabata biba dilanti di Elmar N.V riba Wilhelminastraat. Su persona a tuma e iniciativa pa e tempo ey celebra DIA DI PORTUGAL aki na Aruba hunto cu un grupo chikito di Portuguesnan y a marcha saliendo for di su cas riba Wilhelminastraat pa Wilhelmina Park. E Grupo di Portuguesnan aki den un forma hopi emocional a bini hunto p’asina gradici Aruba pa e bon aceptacion di e Portuguesnan na Aruba.
Su persona a fayece riba dia 17 di november 1993, pero te ainda e dia aki comunidad Portugues ta record’e.

Portugues nan ta conoci pa ta hendenan cu ta traha duro y lucha te na final. Nan a contribui den economia di Aruba den añanan ‘65, ‘70 y ‘80 y tabata haci trabounan duro y pisa.
Portugues tabata busca un futuro pa nan famia y no tabata worry e trabou, sino e dignidad pa tin un trabou y cu un dia nan lo logra.

Pa algun di nan esaki tabata un coy loco of si un cos no mucho bon pa haci, pero a sali fo’i nan pais pa traha y gana algo pa bay cas bek cune, y no pa keda pa semper. Esaki tabata e deseo di mayoria di nan. Pero na caminda cosnan a cambia.
Asina a sosode cu Portuguesnan poco poco tambe a cuminsa integra den e sociedad di Aruba y unda nan a eherce diferente funcion of trabou den comunidad, educa nan famia y ainda nan ta aki. Nan ta dera tambe na e dushi isla aki cu yama Aruba.
Nan exito ta sin duda su capacidad di adapta den diferente ambiente mientras cu na e mesun tempo mantene bibo y practica e balornan di su origen.
Y p’esey nos ta aki pa gradici Aruba di a acepta nos como parti di nan, nos ta sinti nos mes hopi orguyoso di forma parti di e isla aki y ainda nos ta parti di desaroyo di Aruba.
• E dia aki lo ta dedica na 2 Portugues y asina gradici nan pa nan dedicacion y nan gran esfuerzo. Como cu nan a contribui semper na bienestar di Club Portugues y den e trayecto di Celebracion di Dia Nacional di Portugal, esaki ta momento pa gradici nan y duna e personanan aki nan honor mereci.
LUIS VAS DE CAMOES
Luis Vas de Camoes tabata tin un bida turbulento, su aparencia inkieto no a permitie sigui traha na e corte di Dr. Juan tercero, pero a ser manda guera na Morroco, eynan el’a perde su wowo drechi. Despues el’a bay Portugal bek, pero na 1553 el’a sali di aventura pa Oriente, durante su biahenan tabata compone su poemanan. Despues di 16 aña el’a regresa Portugal, el’a yega pober y cansa, pero net pa caba su obra p’e ofrece na su Patria un obra di gran balor ‘Os Lusíadas’. Añanan despues cu Portugal a cay den e domino Spaño, e partiotismo di e poeta a sufri un golpi doloroso. El’a fayece riba dia 10 di Juni na1580, e poco dia prome cu el’a muri, el’a skirbi:

‘ENFIN BIDA LO CABA, TUR LO MIRA CU AMI TABATA AMIGO DI MI PATRIA Y CU LO MI PREFERA NO SOLAMENTE DI MURI NA MI PATRIA, PERO CU MI PATRIA.’
LUIS VAZ DE CAMOES

BANDERA PORTUGUES

• 5 Skina ta simbolisa e 5 Rey Mouros cu D Afonso Henriques a gana durante bataya di Ourique. E punto nan den e skina ta representa como e 5 chagas di Cristo unda ta bisa durante bataya di Ourique Hesu Cristo crucifica aparece na D Afonso Henriques y ta bisa nos ta bay gana e bataya. 7 Castilo ta simbolisa e localidad nan fortifica di Afonso Henriques E berde ta simbolisa e speransa, e cora ta simbolisa e curashi y e sanger di e Portuguesnan durante bataya. Autor di e bandera di Portugal ta Columnao Bordalo Pinheiro, Joao Chagas y Abel Botelho ana 1891.

Celebracion dia Nacional di Portugal na CLUB PRIMAVERA

• Programa pa e Gran celebracion ta como lo siguiente;
Pa 5:30or di atardi lo cuminsa gastronomia Portugues cu cuminda tipico Portugues. Lo tin oportunidad pa come dushi platonan manera “Bacalhau a Portuguesa” “Caldo Verde” y e famoso Espetada cu Bolo do Caco. Tambe e parti di cos dushi lo t’ey presente; Bolo de mel, Broas, Pan dulce y hopi mas.
Despues 6:30or di atardi lo cuminsa e Show Cultural Portugues cu Poesia, Baile Folklorico y Canto Portugues.
Directiva FSCP ta haci un invitacion general na henter pueblo di Aruba y Portuguesnan residencia aki na Aruba pa bin y celebra Dia di Portugal na Aruba
Nos kier a gradici tur esnan cu di un of otro forma a yuda Club Primavera.
Nos ta Masha agradecido pa boso contribucion di curason ‘MUITO OBRIGADO’,

 

Comments

comments

C: Heineken
new india