OURENSE, Spaña – Un ciudadana Colombiana busca pa delitonan di teroriso a wordo deteni den e ciudad Spaño, Ourense, noordwest di e pais, polis Spaño a confirma den un comunicado. Segun autoridadnan Spaño, e muhe tabata integrante di e cupula di un organisacion terorista Colombiano di cual no a duna detaye y tabata encarga di recutla y radicalisa hobennan, di e manera di capacita celulanan terorista na Cucuta, Villa del Rosario y Los Patios, Colombia.
E sospechoso tabata busca pa autoridadnan Colombiano pa participa den tres atentado, tampoco detaya pa autoridad, coordinando su ehecucion, realisando labornan di inteligencia y prestando nan vivienda pa elaboracion y planificacion di nan crimennan.
Paralelamente, polis di Colombia a aresta na Cucuta e ruman homber di e muhe, kende ta wordo considera e coordinado logistico di e organisacio y tabata encarga di obtene e material di guera. El a wordo sorprendi ora cu nan tabata purba di crusa e frontera cu Venezuela.
E investigacion a cumina na principio di November, ora cu atrabes di mecanismonan di cooperacion internacional cu Polis di Colombia, Polis Nacional Spaño tabata tin e conocimento di e presencia den e pais di un fugitivo busca pa autoridadnan Colombiano.
Fuente: CNN en Español