Internacional Colombia: Mas 100 mil cuidadano Venezolano ta radica na Colombia, segun e director general di Imigracion di Colombia, Christian Kruger Sarmiento a duna di conoce. E cifra cu ta registra un aumento di 7 porciento, segun e ultimo informa presenta pa Imigracion Colombiano den luna di October, ta mustra cu 57 porciento di Venezolanonan cu tin na Colombia ta den condicionnan regular mientras cu un 16 porciento ta den proceso pa regla nan permisonan legalmente. “Gobierno a bin ta traha duro pa cu identificacion di e venezolanonan aki cu ta den nos pais. E idea ta pa haci e proceso mas facil y asina mas liher posibel e hendenan aki por hiba un bida mas miho cumpliendo cu leynan y reglanan di nos pais”, asina Kruger Sarmiento a declara. Ta spera cu prome cu e fecha di 21 di December mas di 70 porciento di e Venezolanonan aki por keda indentifica y asina Gobierno di Colombia pa maneha e situacion hopi mas miho. Pasobra reglando e situacion legal di e Venezolanonan aki, Gobierno Colombiano pa yuda protege e derechonan di nan tambe.