COLOMBIA – Colombia a wordo ubica na di cuater luga entre paisnan caminda cu e tasa di homicidio infantil ta mas halto, segun e mas reciente informe “En deuda con la niñez” a revela, cu a wordo realisa pa e organisacion Save The Children.
E informe ta contene e cifranan di e cantidad calcula di victimanan di homicidio entre mucha homber, mucha muhe y adolescente entre 0 y 19 aña pa cada 100 mil habitante na 2015, na unda Colombia solamente a wordo supera pa El Salvador (3), Venezuela (2) y Honduras (1).
E lista di e dies paisnan caminda cu mas matamento di mucha tambe ta, ta wordo conforma pa Brasil, Guatemala, Trinidad y Tobago, Republica Dominicana, Panama y Belize, cu tasa di asesinato infantil cu ta riba e promedio mundial. Di acuerdo cu e informe, na 2015, mas di 75 mil mucha homber y mucha muhenan menor di 20 aña a wordo asesina na 2015 na mundo.
E pais tambe ta keda ubica na di 118 luga, di 172, den e indice di Peligro pa Niñez y ta e di cinco pais camind cu muchanan ta resulta mas afecta debi na e conflictonan, un lista camind cu tambe ta aparece paisnan manera Siria, Sudan del Sur, Somalia, Republica Centro Africano, Afganistan, Irak, Yemen, Sudan y Eritra.
Entre e paisnan miho cualifica den e Indice di Peliger pa Niñez ta Noruega, Slovenia, Finlandia, Hulanda, Suecia, Portugal, Irlanda, Islandia, Italia, Belgica, Chipre, Alemania y Zuid Korea.
E informe di Save the Children tambe ta entrega dato riba trabao infantil, acceso na educacion, matrimonio infantil, maternidad adolescente, desplasamento di menor door di conflicto.
Fuente: www.elespectador.com