BOGOTA, Colombia – E Gobierno di Colombia a denuncia diamars un incursion militar for di Venezuela. Canciyeria Colombiano a sigura cu dos helicopter y mas of menos un 30 militar Venezolano a drenta teritorio Colombiano diadomingo ultimo. E acto ta wordo considera como un violacion di su soberania.
Di acuerdo cu e entidad, e dos helicopternan a wordo identifica cu e siglanan di Guardia Nacional Bolivariana y e militarnan ta pertenece na e Forsa Arma Nacional Bolivariana, cu a desembarca den e zona conoci como Vetas de Oriente, municipio fronteriso di Tibu, Norte de Santander.