Januari 2021 a cuminsa cu diferente reto rond mundo mientras cu Coronavirus ta hasta haya un variante nobo na Britania y Hapon, te cu California. Na ciudad di Mexico, hospitalnan tin mas pashent di e virus cu nunca, y Alemania a raporta cifra halto di morto diario diamars pasa. Hasta Thailand cu no tabata tin muchio caso, awor ta bringando un ola grandi di infeccion. Na Sur Africa tambe ta raportando cu nan no tin mas caha di morto actualmente, mientras cu nan cifranan di morto relaciona cu Covid19 a subi te cu 120%.
Mas y mas pais ta raportando aumento den cifranan y casonan nobo, como tambe den e variante nobo di e virus cu ta mas contagioso cual ta asotando Britania na momentonan aki. Colombia tambe ta experienciando un aumento grandi den infeccionnan cual a haci cu varios ciudad a implementa lockdown y medidanan pa keda na cas despues di algun luna sin implementa esakinan.