MOCOA, Colombia – Un avalancha cu a sosode despues di awasero fuerte, a laga mas di 150 hende morto y varios herido den e zona di Mocoa, Colombia, di acuerdo cu Defensa Civil di Putumayo.
Di acuerdo cu e fuente, por lo menos 17 bario a resulta afecta, dos distrui y ta registra dos brug cu a collapse.
E mas reciente balance di Cruz Cora, a reporta di 154 hende morto, 180 herido, cerca di 200 hende desapareci y cientos di famia damnifica pa e devastador paso di e avalancha cu a afecta varios bario, pero tabata inclemente cu San Miguel de Mocoa (bario cu practicamente a desaparece), Progreso, Laureles, El Libertador, San Fernando y San Augustin.
E situacion na Mocoa, ciudad di mas of menos 45 mil habitante, ta catastrofico y sin precedente. E ciudad no tin ni luz ni awa. Na e zona, poco poco a yega gruponan specialisa di rescate y cerca di 2500 persona di Forza Publico y organismonan di socoro, ta atende e emergencia. Desde e Unidad Nacional pa e Gestion de Riesgo de Desastres (UNGRD), cu tambe ta biaha pa e zona di e tragedia, a solicita ayudo pa e damnificadonan aunke ainda no tin puntonan pa recoleccion di ayudo.
E curpanan ta wordo acomoda den un morgue improvisa, ya cu e hospitalnan ta colapsa, na tal punto cu por declara un emergencia hospitalario. Ta spera cu pa diadomingo lo bay tin un entiero colectivo.
Fuente: CNN en Español/El Espectador