BOGOTA, Colombia- Autoridadnan di Colombia diamars a expulsa 15 Venezolano cu dialuna tabata protagonista di un rebelion den un campamento humanitario na Bogota. Den e campamento aki tin mas di 400 ciudadano cu ta huy di e crisis di nan pais, según fuentenan oficial a informa.
Migracion Colombia a declara na Efe cu 13 di e Venezolanonan lo wordo hiba via Cucuta, capital di e departamento di Norte di Santander, na frontera cu Venezuela, y lo wordo “escolta te ora cu nan wordo entrega na nan pais bisiña.
E otro dos personanan, considera “mas peligroso”, lo wordo manda den avion desde aeropuerto El Dorado di Bogota pa Camilo Daza, di Cucuta y di eynan lo sigui mesun procedimento cu e resto di grupo.
E 15 Venezolanonan, entre nan un hende muhe, lo wordo entrega na autoridadnan migratorio di Venezuela na e brug internacional Simon Bolivar cu ta comunica Cucuta cu San Antonio del Tachira.